Twa recruitin sergeants came frae the Black Watch,
tae markets and fairs some recruits for tae catch,
an a that they listed was forty and twa,
so list my bonnie lassie an come awa.
Oh laddie ye dinna ken the danger that your in,
if your horses was tae flag and your ousen was to run,
This greedy auld farmer he winna pay your fee,
so list ma bonnie lassie an come awa wi me.
Its intae the barn and oot o the byre,
This auld farmer thinks that youll never tire,
For its a slavery job of very low degree,
so list ma bonnie laddie and come awa wi me.
Wi your tattie poorins and your meal and kale,
your soor sowen sooren an your ill brewed ale,
Wi your buttermilk and whey an your breid fired raw,
so list bonnie laddie and come awa.
Oh laddie if youve got a sweetheart and bairn,
youll easily get rid of that ill spun yarn,
Twa rattles o the drum an thatll pay for a,
so list bonnie laddie an come awa
