|
Coulter's Candy
Chorus:
Ally, bally, ally bally bee,
Sittin' on yer mammy's knee
Waitin' for a wee penny
Tae buy mair Coulter's candy.
1. Mammy gimme ma thrifty doon
Here's auld Coulter comin' roon
Wi' a basket on his croon
Sellin' the Coulter's candy
Chorus
2. Little Annie's greetin' tae
Sae whit can puir wee Mammy dae
But gie them a penny atween them twae
Tae buy mair Coulter's candy
Chorus
3. Ally bally, ally bally bee
When ye grow up you'll go tae sea
Makin' pennies for your daddy and me
Tae buy mair Coulter's candy
Chorus
4. Times are gettin' hard the noo
Yer daddys singin' on the brew
Yer Mammys' still got a penny or two
Tae buy some Coulter's candy
Chorus
5. Poor wee Jennie's lookin' awfu' thin
A rickle of banes kivvered o'er wi' skin
Noo she's gettin' a wee double chin
From sookin' on Coulter's candy
Chorus
6. Come my boy, my wee, wee man
Run doon that road as fast as y'can
Pay your money tae the sweetie man
For a big bag of Coulter's candy
Chorus
|
